
Dr. Rodolfo Gómez Bahamonde
Xefe de grupo
O Dr. Rodolfo Gómez Bahamonde obtivo o seu doutorado en medicina molecular na Universidade de Santiago de Compostela (USC), España. No 2010 conseguiu o contrato de investigación nacional Sara Borell, financiado polo Instituto de Salud Carlos III (ISCIII) do Ministerio de Saúde, e trasladouse ó laboratorio Bone and Joint Research do Instituto da Fundación Jiménez Díaz de Madrid, onde traballou como investigador posdoutoral. Posteriormente, realizou o seu traballo como investigador asociado no grupo Musculoskeletal Research Group na Universidade de Newcastle, Reino Unido. No 2015, tras acadar o contrato de investigación nacional Miguel Servet I, financiado polo ISCIII, trasladouse ó Instituto de Investigación Sanitaria de Santiago de Compostela como xefe do Grupo de Patoloxía Musculoesquelética. Finalmente, no 2020, obtivo o contrato nacional Miguel Servet II, financiado polo ISCIII e polo Servicio Galego de Saúde (SERGAS), estando entre os 10 mellores investigadores da convocatoria.
Froito da súa actividade investigadora, o Dr. Gómez Bahamonde publicou máis de un cento de artigos científicos, moitos deles en revistas de alto índice de impacto e relevancia internacional como “Nature Reviews Rheumatology”, “Annals of the Rheumatic Diseases” e “Arthritis and Rheumatology”.
Ó longo da súa carreira, o Dr. Gómez Bahamonde participou na formación de numerosos estudantes de grao, estudantes predoutorais, posdoutorais e técnicos de laboratorio. Isto permitiulle acadar a acreditación autonómica como profesor universitario. Actualmente é profesor do programa de doutorado de medicina molecular na USC, onde dirixe a tese de 6 investigadores repartidas en cinco áreas temáticas independentes.